သောတပန်-သကဒါဂါမ်စသည်အဓိပ္ပါယ်
Ma oo Khin ၏ သောတပန်(၃)မျိုးနှင့် သကဒါဂါမ်-အနာဂါမ်-ရဟန္တာတို့၏ အဓိပ္ပါယ်ကို သိပါရစေဟု မေးထားတဲ့ မေးခွန်းကို ဖြေကြားပေလိုက်ပါ
တယ်။
* (၁) သောတပန်ပုဂ္ဂိုလ်ဆိုတာ- ကိလေသာ(၁၀)ပါးထဲက ဒိဋ္ဌိ နှင့် ၀ိစိကိစ္ဆာ
(၂)ပါးပြုတ်တာကို ခေါ်တယ်၊၊ အဲဒီဒိဋ္ဌိဟာ-ကိလေသာဆယ်ပါးထဲမှာ ရုန့် ရင်း
အကြမ်းတမ်းဆုံးဖြစ်သလို ဒိဋ္ဌိအပေါင်းတို့ရဲ့ ခေါင်းဆောင်- ငါ-သူတစ်ပါး
ယောက်ျား-မိန်းမစသည်ဖြင့်စွဲနေတဲ့ (သက္ကာယဒိဋ္ဌိ)ရယ်၊ရတနာသုံးပါးအပေါ်
ယုံမှားမှု့၊အတိတ်ဘ၀-အနာဂတ်ဘ၀တွေကို ယုံမှားမှု့၊အကြောင်းအကျိုး ပဋိစ္စ
သမုတ်ပါတ်အပေါ်ယုံမှားတတ်တဲ့(၀ိစိကိစ္ဆာ) ဒီနှစ်ပါးကိုပယ်နိုင်တာပါပဲ။
*သောတပန်ဖြစ်ပြီးသွားပြီဆိုရင်- မဖြစ်မီက အပါယ်ကျစေနိုင်တဲ့ အကု
သိုလ်တွေ ရှိနေရင်တောင်-အဒီအကုသိုလ်နဲ့  အပါယ်မကျနိုင်တော့ဘူး။
သောတပန်(၃)မျိုး
(၁) အလွန်ဆုံး(၇)ဘ၀ ပဋိသန္ဓေ နေရတဲ့ (သတ္တက္ခတ္တုပရမ) သောတပန်။
(၇)ဘ၀ ပဋိသန္ဓေ နေရတယ်ဆိုတာ- လူ့ပြည်တစ်ချို့ နတ်ပြည် တစ်ချို့ ရော
လျှက်ပဋိသန္ဓေ နေရပြီး၊(၆)ဘ၀မြောက်မှာ (သကဒါဂါမ်) သို့မဟုတ်(၇)ဘ၀
မြောက်မှာ သကဒါဂါန်-အနာဂါမ်-ရဟန္တာဖြစ်သွားပြီးနိဗ္ဗာန်ရောက်ကြတယ်။
(၂) နှစ်ဘ၀ သုံးဘ၀ သို့မဟုတ် (၂) ဘ၀မှ (၆)ဘ၀အတွင်း သင့်သလို
လူ့ပြည်-နတ်ပြည် ရောပြီး ပဋိသန္ဓေ နေရတဲ့(ကောလံကောလသောတပန်)
* ထိုသောတပန်သည်- (၂)ဘ၀(၃)ဘ၀ သို့မဟုတ်အလွန်ဆုံး (၆)ဘ၀တွင်
သကဒါဂါမ်-အနာဂါမ်-ရဟန္တာဖြစ်သွားတဲ့ သောတပန်ပုဂ္ဂိုလ်။
(၃)လူ့ပြည်မှာ(၁)ကြိမ်သာ ပဋိသန္ဓေ နေပြီး-သကဒါဂါမ် စသည်ဖြစ်သွားတဲ့
ဧကဗီဇ-သောတပန်ပုဂ္ဂိုလ်။
* ဘာ့ကြောင့်(၃)မျိုးကွဲရတာလဲဆိုတော့- သဒ္ဓါ-ပညာ-ဣနြေ္ဒ စတဲ့ပါရမီ
ဓာတ်ခံ ညံ့တဲ့သူက(သတ္တက္ခတ္တုပရမ)သောတပန်။အလယ်အလတ်ရှိသူက
(ကောလံကောလသောတပန်) ထက်မြက်တဲ့သူက -ဧကဗီဇ သောတပန်။
*(၂) သကဒါဂါမ်ပုဂ္ဂိုလ်ဆိုတာ-- ကာမရာဂခေါ်(တဏှာ-လောဘ)ဒေါသ
မောဟ-တရားများနည်းပါးသွားပြီး (၁)ကြိမ်သာ ပဋိသန္ဓေ နေရတဲ့
ပုဂ္ဂိုလ်ကိုခေါ်ပါတယ်။
* သကဒါဂါမ်(၆)မျိုး။
(၁) လူပြည်မှာ သကဒါဂါန်ဖြစ်ပြီး၊ဤလူ့ဘ၀မှပင်-ဘ၀မခြားပဲ အနာဂါမ်ရဟန္တာဖြစ်၍ ပရိနိဗ္ဗာန်စံသွားသူ။
(၂) ဤလူ့ဘ၀မှပင် သကဒါဂါမ်ဖြစ်ပြီး-သေသည့်အခါ နတ်ပြည်ရောက်
ကာ- ထိုနတ်ပြည်၌ အနာဂါမ်-ရဟန္တာဖြစ်၍ ပရိနိဗ္ဗာန်စံသွားသူ။
(၃) ထိုနတ်ပြည်မှာသကဒါဂါမ်ဖြစ်ပြီး ထိုနတ်ပြည်မှာ အနာဂါမ်-ရဟန္တာ
ဖြစ်၍ ပရိနိဗ္ဗာန်စံသွားသူ။
(၄) နတ်ပြည်မှာ သကဒါဂါမ်ဖြစ်ပြီး တစ်ဖန်လူ့ပြည်၌ ဖြစ်ကာ အနာဂါမ်
ရဟန္တာဖြစ်၍ ပရိနိဗ္ဗာန်စံသွားသူ။
(၅) လူ့ပြည်မှာ သကဒါဂါန်ဖြစ်ပြီး သေသည့်အခါ နတ်ပြည်ရောက်၊ ထို
နတ်ပြည်မှ တစ်ဖန် လူ့ပြည်ရောက်ကာ အနာဂါမ်- ရဟန္တာဖြစ်၍
ပရိနိဗ္ဗာန်စံသွားသူ။
(၆) နတ်ပြည်မှာ-သကဒါဂါမ်ဖြစ်ပြီး သေသည့်အခါ လူပြည်ရောက်၍
ထိုလူ့ပြည်မှ တစ်ဖန်နတ်ပြည်ရောက်ကာ အနာဂါမ်- ရဟန္တာဖြစ်ပြီး
ပရိနိဗ္ဗာန်စံသွားသူ။
* သကိဒေ၀ ဣမံ လောကံ ဟုဆိုထားသောကြောင့်၊ သကဒါဂါန်ဖြစ်ပြီး
ဤလူ့ပြည်သို့ (၁)ကြိမ် ပဋိသန္ဓေ နေကာ အနာဂါန်- ရဟန္တာဖြစ်ပြီး
ပရိနိဗ္ဗာန်စံသွားသူကိုဆိုလိုပါတယ်။
(၃) အနာဂါမ်ပုဂ္ဂိုလ် ဆိုသည်မှာ-ကာမရာဂခေါ်(တဏှာ-လောဘ)နှင့်
ဒေါသ တရားများကို အကြွင်းမဲ့ ပယ်သတ်နိုင်တဲ့ ပုဂ္ဂိုလ်ကိုခေါ်ပါသည်။
ဤလူ့ပြည်မှာ နောက်တစ်ဖန် ပဋိသန္ဓေမနေတော့ပဲ- ရဟန္တာဖြစ်ပြီး
ပရိနိဗ္ဗာန်စံသည်၊ တစ်ချို့ကား- ရူပ-အရူပဘုံသို့ ပဋိသန္ဓေနေ ဗြဟ္မာ
ဘ၀ဖြင့် ပရိနိဗ္ဗာန်စံသည်။
(၄) ရဟန္တာ ပုဂ္ဂိုလ်ဆိုသည်မှာ- ကိလေသာ(၁၀)ပါးလုံး အကြွင်းမဲ့ ပယ်
သတ်ပြီးသော ပုဂ္ဂိုလ်ကိုခေါ်ပါသည်။ နောက်ထပ် ပဋိသန္ဓေ မနေတော့
ပဲ ထိုဘ၀မှာပင် ပရိနိဗ္ဗာန်စံသွားပါသည်။
*သဂြိုဟ်ဘာသာဋီကာကျမ်း ပုဂ္ဂလဘေဒအဖွင့်ကို မှီငြမ်း၍ ဖြေဆိုပေး
လိုက်ပါသည်။
စာသိမှ- ပညာသိဖြစ်ပြီး- ဘ၀ရဲ့လွတ်မြောက်မှုကို ရှာဖွေနိုင်ကြပါစေ။
"ကံပွင့်လာဘ်ပွင့်-အောင်သိဒ္ဓိဆရာတော်-ဘဒ္ဒန္တသီလာစရ"သမ္ဗုဒ္ဓေ ဂါထာ အမေးအဖြေ၊
* Ma yonwadi*၏ သမ္ဗုဒ္ဓေ ဂါထာအဓိပ္ပါယ်နှင့် ၄င်းဂါထာပါဘုရားများ
ထေရ၀ါဒဖြစ်မဖြစ်စသည်မေးခွန်းကို ပြန်လည်ဖြေကြားပေးလိုက်ပါတယ်။
သမ္ဗုဒ္ဓေ အဋ္ဌ၀ီသဉ္စ၊ ဒွါဒသဉ္စ သဟဿကေ၊ ပဉ္စသတ သဟဿာနိ၊ နမာမိ သိရသာ မဟံ၊
အပ္ပကာ ၀ါဠုကာ ဂင်္ဂါ၊ အနန္တာ နိဗ္ဗုတာ ဇိနာ၊
တေသံ ဓမ္မဉ္စ္မ သံဃဉ္စ္မ၊ အာဒရေန နမာမဟံ၊
နမက္ကာရာ နုဘာဝေန၊ ဟိတွာ သဗ္ဗေ ဥပဒ္ဒဝေ၊
အနေကာ အန္တရာယာပိ ၀ိနဿန္တု အသေသတော။
*အဓိပ္ပါယ်ကား--(၅)သိန်း(၁)သောင်း(၂)ထောင်(၂၈)ဆူပွင့်တော်မူကြကုန်
သော ဘုရားရှင် ကိုယ်တော်မြတ်တို့ကို ဘုရားတပည့်တော်သည် ရိုသေစွာ
ရှိခိုးပူဇော်ပါ၏အရှင်ဘုရား။ ဂင်္ဂါဝါဠု သဲဆူမကပွင့်တော်မူကြတဲ့ ဘုရားရှင်
ကိုယ်တော်မြတ်တို့ကိုလည်းကောင်း၊ထိုဘုရားရှင်တုိ့ဟောကြားတော်မူသည့်
တရားတော်မြတ်ကိုလည်းကောင်း၊သံဃာတော်မြတ်ကိုလည်းကောင်း၊ရိုသေ
မြတ်နိုးလက်စုံမိုး၍ ရှိခိုးပါ၏အရှင်ဘုရား၊ဤသို့ရှိခိုးရသောကုသိုလ်စေတနာ
ကြောင့် ဘေးဥပဒ်အန္တရာယ် ရန်အသွယ်သွယ်တို့သည် အကြွင်းအကျန်မရှိ
ကင်းစင် လွင့်ပျောက်ပါစေသတည်း။
* ၄င်းဂါထာပါ (၅)သိန်း(၁)သောင်း(၂)ထောင်(၂၈)ဆူ ဘုရားများက ငါတို့
ကိုးကွယ်နေတဲ့ (ဂေါတမ) မြတ်စွာဘုရား ဘုရားဖြစ်ဖို့ရန် ဆုတောင်းစဉ်က
ပွင့်ခဲ့တဲ့ဘုရားများဖြစ်ပါတယ်။
စိန္တိတံ သတ္တ သင်္ချေယျံ၊ န၀-သင်္ချေယျ ၀ါစကံ၊
ကာယ၀ါစံ စတုချာတံ၊ ဗုဒ္ဓတ္တံ သမုပါဂမိ။
(၁) ဘုရားဖြစ်ဖို့ ရန် စိတ်ထဲက ဆုတောင်းခဲ့တာကာ--- (၇)သင်္ချေ။
(၂) ။ နုတ်ကဖွင့်ပြီးဆုတောင်းခဲ့တာကား-(၉)သင်္ချေ။
(၃) ။ ကိုယ်ရော နုတ်ပါ ပါရမီဖြည့် ခဲ့တာကား(၄)သင်္ချေ။
စုစုပေါင်း(၂၀)သင်္ချေ။
(၁) ၇-သင်္ချေမှာ- ဗြဟ္မဒေ၀-ဘုရားမှစ၍ ပွင့်သည့် ဘုရားပေါင်းမှာ
(၁)သိန်း(၂)သောင်း(၅)ထောင်။
(၂) ၉-သင်္ချေမှာ- ပေါရာဏ သကျ ဂေါတမ ဘုရားမှစ၍ ပွင့်သည့်
ဘုရားပေါင်း-(၃)သိန်း(၈)သောင်း(၇)ထောင်။(၇+၉=၁၆)သင်္ချေ
မှာ (၅)သိန်း(၁)သောင်း(၂)ထောင်။
(၃) လေးသင်္ချေမှာ-တစှင်္ကရာဘုရားမှစ၍ နာရဒဘုရားအထိ(၁၂)ဆူ၊
ကမ္ဘာ-(၁) သိန်းမှာ-ပဒုမုတ္တရ ဘုရားကစ၍ ဂေါတမဘုရားအထိ
(၁၆)ဆူ၊ (၇+၉+၄=၂၀)သင်္ချေနှင့် ကမ္ဘာ(၁)သိန်းမှာ ဘုရားပေါင်း
(၅)သိန်း(၁)သောင်း(၂)ထောင်(၂၈)ဆူဖြစ်ပါတယ်။
ထို့ အပြင် -ဂင်္ဂါဝါဠု သဲဆူမက ပွင့်တော်မူကြသည့် ဘုရားလည်းရှိသေး
သည်ဟု ဤဂါထာကား ဆိုထားပါသည်။(သောတတ္ထကီကျမ်း)အလို။
ဤသမ္ဗုဒ္ဓေ ဂါထာသည် ဘုရားဟောဂါထာမဟုတ်ပါ၊ သို့သော်လည်း
ရှေးဆရာအဆက်ဆက် ကျမ်းဂန်တတ် ဆရားမြတ်များ ရေးသား သီကုံး
ခဲ့တဲ့ ဘုရားရှိခိုးဂါထာ ဖြစ်ပါတယ်၊ (ဗုဒ္ဓုပ္ပါဒေါ ဒုလ္လဘော) ဘုရားအဖြစ်
ရခဲတယ်ဆိုတဲ့ အဓိပ္ပါ ယ်ကို ပေါ်လွင်စေပြီး၊ ဘုရားအပေါ် ကြည်ညိုသဒ္ဓါ
အားကောင်းစေရန် သီကုံးထားတဲ့ ဂါထာဖြစ်ပါတယ်။
*၄င်း- သောတတ္ထကီကျမ်းသည် သင်္ဂါယတနာတင် ကျမ်းထဲမှာ မပါလို့
ထေရ၀ါဒနှင့် မကိုက်ညီဘူးလို့ တစ်ချို့က ယူဆကြသော်လည်း ကျီးသဲလေး
ထပ်ဆရာတော်ရေးခဲ့တဲ့ ဇိနတ္ထပကာသနီကျမ်းမှာ-(ဒီ-သောတတ္ထကီကျမ်း)
ကို စူဠဗုဒ္ဓဃောသ ရေးသားခဲ့သည်၊ ထိုဆရာတော်သည် (အဘိဓမ္မာအဋ္ဌ
ကထာ)ကျမ်းကို ရေးသားရန် (မဟာဗုဒ္ဓဃောသ)မထေရ်ကို လျှောက်ထား
သည့် သင်္ဂါယတနာတင်ကျမ်းဝင်ဆရာတော်တစ်ပါးဖြစ်သည့်အားလျှော်စွာ
သီလ၊သမာဓိ၊ပညာနှင့် ပြည့်စုံတဲ့ ကျမ်းဂန်တတ် မထေရ်မြတ်လဲဖြစ်တယ်၊
စသည့် ကျမ်းဂန် အထောက်အထား များစွာကိုးကားပြီး ထိုဂါထာများကို
ထေရ၀ါဒအနေနဲ့ လက်ခံသင့်ပုံကို ရှင်းလင်းရေးသားထားပါတယ်။
(အကျယ်လေ့လာလိုက ဇိနတ္ထပကာသနီကျမ်းအစပိုင်းမှာလေ့လာပါ)
မှတ်ချက်။။ ကျမ်းဂန်တတ် ဆရာမြတ်တိုင်း ကျမ်းရေးသားသည့်အခါ ဘုရား
ရှိခိုးဂါထာကို ကိုယ်ပိုင်ဟန်နဲ့ရေးသားပူဇော်ခြင်းကိုထောက်၍၄င်း၊ထိုသမ္ဗုဒ္ဓေ
ဂါထာသည် ပွင့်တော်မူကြသည့်ဘုရားများကို ပူဇော်တဲ့အတွက်ကြောင့်၎င်း။ဂေါတမမြတ်စွာဘုရားသည် ဝေနေယျသတ္တ၀ါများအတွက် ပါရမီတွေ အများ
ကြီး ဖြည့်ခဲ့ရပါလားဟုသိစေတဲ့ဂါထာဖြစ်လို့ ယုံယုံကြညကြည်ဖြင့် ရွတ်ဖတ်
ပူဇော်ကြပါဟု ဖြေကြားရင်း တိုက်တွန်းပါရစေ။
* တည်ကြည်တဲ့ စိတ်၊ ကြည်လင်တဲ့ သဒ္ဓါ၊ အသိဥာဏ်ပညာများနဲ့
လွတ်မြောက်အောင် ကြိုးစားနိုင်ကြပါစေ။
"ကံပွင့်လာဘ်ပွင့် အောင်သိဒ္ဓိဆရာတော်"
No comments:
Post a Comment